ميهار
06-25-2011, 10:08 AM
السلام عليكم ورحمة الله وبركاته
اسيرة الصمت هي شاعره سعودية
الموضوع من تجميعي
اتمنى ان ينال على اعجابكم
نبدا
التحدي
ما هوب أنا اللي انسحب من اول الجولة
والله لا اقاوم لآخر قطرة بدمي
أما اني أفوز او أموت مقتولة
والله اني ما اداري ضعفي بكمي
راسي عزيز و شموخي محد يطوله
ما ينحني راسي لخالي ولا لعمي
من دون دمعي سيوف الرمش مسلولة
والله ما قد ذرفته حتى عند أمي
أنا التناقض بطبعي بس باصوله
مرات بلسم ومرات أسقي السمي
روحي ما هي روح روحي كنها دولة
ما يهزها ريح او تتاثر بذمي
ما احد يثنيني ولا يقنعني بسهولة
عن العواذل آذاني كلها صمي
والآراء اللي توجه لي مشلولة
ترجع لأهلها قبل ما تتجه يمي
ما احب اشكي ولا كل شي أنا اقوله
لغير ربي أبد ما اشتكي همي
وان قلت كلمة عليها صرت مسؤلة
أوزن كلامي قبل ما ينطقه فمي
عدم استسلامي بحد ذاته بطولة
نختني العزة وجاوبتها سمي
بنت الحمايل
بنت الحمايل كلها دم وإحساس
لاعاش راس الجاهل اللي دفنها
هي درة ما جابها كل غطاس
ومن لايعرف الدر يرخص ثمنها
منهو يساومني عليها من الناس
منهو بسجنه قد تجرأ وسجنها
هو مادرى أنها حرة ترفع الراس
ماترضى غير العز لو هو كفنها
حرة أصيله مرهفة طيبة ساس
عقل وجنون الكون كله سكنها
لاتظن تشريها بحبر وقرطاس
لا والذي بعيون خلقه فتنها
هذي تراها اللي حمى صعب ينداس
اللي مشارف نجد أصلا وطنها
بنت العروبة رمز فخر ونوماس
بمليون راس وراس لو تمتحنها
لعبة الشطرنج
ماهوب أنا اللي ينلعب بي شطرنج
محد يحدد مكاني بكيفه
جمالي ما هو مثل بنات الافرنج
يعرض لجذب اهل النفوس الضعيفة
ما في عروقي دم روم ولا زنج
عروقي بدم العروبة نظيفة
أبوي ما هو خورشيد ولا تشنج
سعود أبوي اللي يمينه عفيفة
لي كلمة تاثيرها أقوى من البنج
وأحد من ضربة شجاع بسيفه
والساحة بحر ضم مرجان واسفنج
والموج يلفظ بس الاشياء الخفيفة
ماجت نجوميتي باغراء أو غنج
ولا بتلميع المحرر لضيفه
نجمة بفكري وان غدا الشعر شطرنج
لي اسم يكرم عن خداعه وزيفه
لا تفكر
لاتفكر إني عنك أصد مابيك
لكني أحفظ عزتي في صدودي
ولاتفكر إنك لو تغليت أباجيك
كلما تغلى زود صدي يزودي
وإن كان حارت صورتي وسط عينيك
مانيب أنا صورة سكنها الجمودي
لاتحسب إني لعبة بين أياديك
كلي تحدي وكبرياء وصمودي
الله خلقني ند وأقدر أجاريك
وما أعجز إني أحبسك بقيودي
لكن أبتحملك دام إني أرجيك
ودام إني أحبك أبلزم حدودي
وأصد وأحفظ عزتي منك وليك
حتى تعرف قدري وتحفظ عهودي
ما تهزني دمعتك
ما تهزني دمعتك لو هي حقيقه
من بعد ما مثلتها لي تمثيل
لا تستغل اني بشعوري رقيقه
وتخلي من الحبه قبه وتهويل
كنت آتفاعل مع قصصك الدقيقه
يوم أنت ترويها بدقه وتفصيل
تألف خيال وتخرجه في دقيقه
وما ترضى عن دور البطل أي تبديل
والله ما اصدق لو بقلبك حريقه
ولو شفت دمعك من على خدك يسيل
كذاب ..خذها كلمة من صديقه
السالفه ما عاد تحتاج تطويل
والحب عمره ما يجي بهالطريقة
متى التعاطف كان للحب تدليل !
صديقي
أنا صديقي قلمي ودفتر أشعار ي
ما أبي أحد من العالم يساعدني
لها أنتفض وآتمرد وافشي أسراري
في هالزمن ما أظن أحد يساندني
يا مقنع بالوفا .. وجه الغدر عاري
حتى على هالشقا والهم تحسدني
عين على الباب واذن ترصد أخباري
نيتك قشرا ومعك الغدر واعدني
ما أنت بكفو تقتحم بجيوشك أسوار ي
في كل لحظه وحدسي عنك يبعدني
هزمتك بفطنتي مع سبق إصراري
وقعتك بفخك اللي به تطاردني
أنثى .. وأنت لعنادي تعجز إتجاري
ماقلت لك في البدايه .. لا تعاندني ؟!
اللي بي أكبر
اللي بي أكبر من فراقي لغالين
لو ان فرقاهم كثير صفعتني
أظن اللي .. بي وداع المحبين
كنت أبقوله والكرامه عصتني
ماهيب من عاداتي أتبع مقفين
لو نار أشواقي لهم ولعتني
وان شفت خلاني على البعد ناوين
أبعد.. ورجلي باعتزاز أبعدتني
خليت أحاسيسي بصدري مغطين
واليوم صرختهن ترى فزعتني
كني جريح مرمي بين نارين
عزي وقرب عيوني مودعتني
وش عاد لا صرنا بروح أو بروحين
ان كانها العزة معك ما اجمعتني
مايجي بها ترجي ولا تجي بتكفين
ولا انذلت بيوم ولا أخضعتني
جا راكب لكن رجع دون خفين
وأنا الكرامه للنجوم ارفعتني
لا مرت الأيام أبي يذكر الزين
مصيرها الذكرى مثل ما ارجعتني ..
ترجعه لي غصب .. لا تله البين
وأقول له: لو عزتي طاوعتني
اللي بي أكبر من فراقي لغالين
لو ان فرقاهم كثير اصفعتني
شلال الشوق
أحس به شلال شوق بصدري
يصب في واحة وله كلها اشواق
شلال.. بعروقي مع الدم يجري
عجزت عن وصفه بحبر وأوراق
بان الوله بعيوني و زاد سحري
بالعين لوحة ..أذهلت كل مشتاق
نزعة غرام بي طبيعي و فطري
خلاني أصبح غير عن كل الأذواق
اللي بقلبي غير ما قلت .. تدري
يا صعبها .. لو أوصف احساس الاعماق
حبي لك اكبر من تعابير شعري
لو ينوزن حبك ملا كل الأفاق
جمر انتظار الوعد منك يا بدري
أحرقني اللي احرق قلوب عشاق
وشفتك ومنها بالغلا زاد قدري
ضميت لهفاتك و طولت بعناق
وضحك لك محياي من غير ما أدري
ضحكة علا تمسحني بمسحة اشراق
قلبي عزف يقول لك طال صبري
ومن الغلا مشاعري جت لك تساق
صباح الفل
صباح الفل والأزهار والعنبر
يا أحلى صوت في سمعي وفي هالكون
بعد ما هزني غصب علي يأمر
ولو يأمر علي كلي أنا الممنون
ترى ليلة غيابك كنها أشهر
وكن الدهر قربك غمضة بجفون
وانا اللي حالتي بعدك ما تتصور
ضريرة لو ملكت أجمل هدب وعيون
واذا شفتك يا بدر في سماي نور
لصدرك ضمني وفي سرك المكنون
عسل صافي غرام أحلى من السكر
معاك العمر له نكهه وطعم ولون
أحس القلب من فرقاك يتفطر
ولكن كل شي في رضاك يهون
أنا لو لاي أخاف الله وأتصبر
غيابك حدني بعد العقل لجنون
أصعب لحظة
لو عشت أصعب لحظة بإنتظارك
الأصعب أيأس لحظة من رجوعك
كل الليالي تقول.. ليلة قرارك
للصبح : ياصبح استحاله طلوعك
مدري بعادك غصب أو باختيارك
بس الوكاد الحال بعدك يروعك
يا عين نورك غاب بأول نهارك
بالله وين اللي يكفكف دموعك ؟
أشعلت شوقي نار .. وأضرمت نارك
ومن متى جمر الشوق دفا ضلوعك
قل بس برجع وأنتظر في مدارك
العمر كله مع بقايا شموعك
وابني بنبض القلب في القلب دارك
الروح لك تظمأ وعيني تجوعك
واعيش عمري لحظة بانتظارك
بس المهم تتم لحظة رجوعك
يا حبيبي
يا حبيبي ما أقدر على فرقاك
خذني معك لا لا تخليني
أموت ما يطري علي أنساك
مادام طيفك ساكن عيني
لذة حياتي ضحكتك ورضاك
بس أنت يا شمس المحبيني
دنياي فرع أصلها دنياك
وشلون أبحيا لو تجافيني
دورت بك عيب لعل أسلاك
أثرك تجمل باقي سنيني
كن الغلا مخلوق لأجل أهواك
من بد كل الناس تعنيني
مدري لأن الشعر بك يزهاك
مدري لانك منكتب فيني
عمري وروحي كلها تفداك
أنت منى قلبي وأنت نظر عيني
أخطر غلا هو واحد ما نويته
والله مدري وليه أنا بس هويته
ما كان يعني لي بالاول أبد شيّ
يا أسلوبه اللي لا عدمت وخليته
ألقاه بذراعه لي ظلالٍ وفي
لا قال لي سمي من أقصاي جيته
له فز قلبي طايح براحة ايديّ
أجيه طوع أجي خضوعٍ فديته
ما فيّ عرق ميت ٍ ماانتعش حي
يا ليتني امه ليتني امن اهل بيته
يا ليتني بنته "لمى" أوطفلته "مي"
لا قال لي "يمه" بحضني لويته
ضمّيته لصدري وهيّضت ما بيّ
ولا قال لي يا "بنتي "عمري عطيته
تمشي له عيوني وقلبي ورجليّ
أو ليتني شعر كتبت وهديته
حتى ان بعيونه يناظرني شويّ
ما اتحمل غيابه ترى ما قويته
كاويني بعاده ونار الهجر كي
والمشكلة بالشاعر اللي لقيته
يكتب كلامٍ قايله صاحبي لي
كل ما قريت ابيات شعره قريته
بأبيات شعره طاويٍ خافقي طي
أخطر غلا هو واحدٍ ما نويته
مني تمكن لين هو صار كل شي !!
اختكم
ميهار
اسيرة الصمت هي شاعره سعودية
الموضوع من تجميعي
اتمنى ان ينال على اعجابكم
نبدا
التحدي
ما هوب أنا اللي انسحب من اول الجولة
والله لا اقاوم لآخر قطرة بدمي
أما اني أفوز او أموت مقتولة
والله اني ما اداري ضعفي بكمي
راسي عزيز و شموخي محد يطوله
ما ينحني راسي لخالي ولا لعمي
من دون دمعي سيوف الرمش مسلولة
والله ما قد ذرفته حتى عند أمي
أنا التناقض بطبعي بس باصوله
مرات بلسم ومرات أسقي السمي
روحي ما هي روح روحي كنها دولة
ما يهزها ريح او تتاثر بذمي
ما احد يثنيني ولا يقنعني بسهولة
عن العواذل آذاني كلها صمي
والآراء اللي توجه لي مشلولة
ترجع لأهلها قبل ما تتجه يمي
ما احب اشكي ولا كل شي أنا اقوله
لغير ربي أبد ما اشتكي همي
وان قلت كلمة عليها صرت مسؤلة
أوزن كلامي قبل ما ينطقه فمي
عدم استسلامي بحد ذاته بطولة
نختني العزة وجاوبتها سمي
بنت الحمايل
بنت الحمايل كلها دم وإحساس
لاعاش راس الجاهل اللي دفنها
هي درة ما جابها كل غطاس
ومن لايعرف الدر يرخص ثمنها
منهو يساومني عليها من الناس
منهو بسجنه قد تجرأ وسجنها
هو مادرى أنها حرة ترفع الراس
ماترضى غير العز لو هو كفنها
حرة أصيله مرهفة طيبة ساس
عقل وجنون الكون كله سكنها
لاتظن تشريها بحبر وقرطاس
لا والذي بعيون خلقه فتنها
هذي تراها اللي حمى صعب ينداس
اللي مشارف نجد أصلا وطنها
بنت العروبة رمز فخر ونوماس
بمليون راس وراس لو تمتحنها
لعبة الشطرنج
ماهوب أنا اللي ينلعب بي شطرنج
محد يحدد مكاني بكيفه
جمالي ما هو مثل بنات الافرنج
يعرض لجذب اهل النفوس الضعيفة
ما في عروقي دم روم ولا زنج
عروقي بدم العروبة نظيفة
أبوي ما هو خورشيد ولا تشنج
سعود أبوي اللي يمينه عفيفة
لي كلمة تاثيرها أقوى من البنج
وأحد من ضربة شجاع بسيفه
والساحة بحر ضم مرجان واسفنج
والموج يلفظ بس الاشياء الخفيفة
ماجت نجوميتي باغراء أو غنج
ولا بتلميع المحرر لضيفه
نجمة بفكري وان غدا الشعر شطرنج
لي اسم يكرم عن خداعه وزيفه
لا تفكر
لاتفكر إني عنك أصد مابيك
لكني أحفظ عزتي في صدودي
ولاتفكر إنك لو تغليت أباجيك
كلما تغلى زود صدي يزودي
وإن كان حارت صورتي وسط عينيك
مانيب أنا صورة سكنها الجمودي
لاتحسب إني لعبة بين أياديك
كلي تحدي وكبرياء وصمودي
الله خلقني ند وأقدر أجاريك
وما أعجز إني أحبسك بقيودي
لكن أبتحملك دام إني أرجيك
ودام إني أحبك أبلزم حدودي
وأصد وأحفظ عزتي منك وليك
حتى تعرف قدري وتحفظ عهودي
ما تهزني دمعتك
ما تهزني دمعتك لو هي حقيقه
من بعد ما مثلتها لي تمثيل
لا تستغل اني بشعوري رقيقه
وتخلي من الحبه قبه وتهويل
كنت آتفاعل مع قصصك الدقيقه
يوم أنت ترويها بدقه وتفصيل
تألف خيال وتخرجه في دقيقه
وما ترضى عن دور البطل أي تبديل
والله ما اصدق لو بقلبك حريقه
ولو شفت دمعك من على خدك يسيل
كذاب ..خذها كلمة من صديقه
السالفه ما عاد تحتاج تطويل
والحب عمره ما يجي بهالطريقة
متى التعاطف كان للحب تدليل !
صديقي
أنا صديقي قلمي ودفتر أشعار ي
ما أبي أحد من العالم يساعدني
لها أنتفض وآتمرد وافشي أسراري
في هالزمن ما أظن أحد يساندني
يا مقنع بالوفا .. وجه الغدر عاري
حتى على هالشقا والهم تحسدني
عين على الباب واذن ترصد أخباري
نيتك قشرا ومعك الغدر واعدني
ما أنت بكفو تقتحم بجيوشك أسوار ي
في كل لحظه وحدسي عنك يبعدني
هزمتك بفطنتي مع سبق إصراري
وقعتك بفخك اللي به تطاردني
أنثى .. وأنت لعنادي تعجز إتجاري
ماقلت لك في البدايه .. لا تعاندني ؟!
اللي بي أكبر
اللي بي أكبر من فراقي لغالين
لو ان فرقاهم كثير صفعتني
أظن اللي .. بي وداع المحبين
كنت أبقوله والكرامه عصتني
ماهيب من عاداتي أتبع مقفين
لو نار أشواقي لهم ولعتني
وان شفت خلاني على البعد ناوين
أبعد.. ورجلي باعتزاز أبعدتني
خليت أحاسيسي بصدري مغطين
واليوم صرختهن ترى فزعتني
كني جريح مرمي بين نارين
عزي وقرب عيوني مودعتني
وش عاد لا صرنا بروح أو بروحين
ان كانها العزة معك ما اجمعتني
مايجي بها ترجي ولا تجي بتكفين
ولا انذلت بيوم ولا أخضعتني
جا راكب لكن رجع دون خفين
وأنا الكرامه للنجوم ارفعتني
لا مرت الأيام أبي يذكر الزين
مصيرها الذكرى مثل ما ارجعتني ..
ترجعه لي غصب .. لا تله البين
وأقول له: لو عزتي طاوعتني
اللي بي أكبر من فراقي لغالين
لو ان فرقاهم كثير اصفعتني
شلال الشوق
أحس به شلال شوق بصدري
يصب في واحة وله كلها اشواق
شلال.. بعروقي مع الدم يجري
عجزت عن وصفه بحبر وأوراق
بان الوله بعيوني و زاد سحري
بالعين لوحة ..أذهلت كل مشتاق
نزعة غرام بي طبيعي و فطري
خلاني أصبح غير عن كل الأذواق
اللي بقلبي غير ما قلت .. تدري
يا صعبها .. لو أوصف احساس الاعماق
حبي لك اكبر من تعابير شعري
لو ينوزن حبك ملا كل الأفاق
جمر انتظار الوعد منك يا بدري
أحرقني اللي احرق قلوب عشاق
وشفتك ومنها بالغلا زاد قدري
ضميت لهفاتك و طولت بعناق
وضحك لك محياي من غير ما أدري
ضحكة علا تمسحني بمسحة اشراق
قلبي عزف يقول لك طال صبري
ومن الغلا مشاعري جت لك تساق
صباح الفل
صباح الفل والأزهار والعنبر
يا أحلى صوت في سمعي وفي هالكون
بعد ما هزني غصب علي يأمر
ولو يأمر علي كلي أنا الممنون
ترى ليلة غيابك كنها أشهر
وكن الدهر قربك غمضة بجفون
وانا اللي حالتي بعدك ما تتصور
ضريرة لو ملكت أجمل هدب وعيون
واذا شفتك يا بدر في سماي نور
لصدرك ضمني وفي سرك المكنون
عسل صافي غرام أحلى من السكر
معاك العمر له نكهه وطعم ولون
أحس القلب من فرقاك يتفطر
ولكن كل شي في رضاك يهون
أنا لو لاي أخاف الله وأتصبر
غيابك حدني بعد العقل لجنون
أصعب لحظة
لو عشت أصعب لحظة بإنتظارك
الأصعب أيأس لحظة من رجوعك
كل الليالي تقول.. ليلة قرارك
للصبح : ياصبح استحاله طلوعك
مدري بعادك غصب أو باختيارك
بس الوكاد الحال بعدك يروعك
يا عين نورك غاب بأول نهارك
بالله وين اللي يكفكف دموعك ؟
أشعلت شوقي نار .. وأضرمت نارك
ومن متى جمر الشوق دفا ضلوعك
قل بس برجع وأنتظر في مدارك
العمر كله مع بقايا شموعك
وابني بنبض القلب في القلب دارك
الروح لك تظمأ وعيني تجوعك
واعيش عمري لحظة بانتظارك
بس المهم تتم لحظة رجوعك
يا حبيبي
يا حبيبي ما أقدر على فرقاك
خذني معك لا لا تخليني
أموت ما يطري علي أنساك
مادام طيفك ساكن عيني
لذة حياتي ضحكتك ورضاك
بس أنت يا شمس المحبيني
دنياي فرع أصلها دنياك
وشلون أبحيا لو تجافيني
دورت بك عيب لعل أسلاك
أثرك تجمل باقي سنيني
كن الغلا مخلوق لأجل أهواك
من بد كل الناس تعنيني
مدري لأن الشعر بك يزهاك
مدري لانك منكتب فيني
عمري وروحي كلها تفداك
أنت منى قلبي وأنت نظر عيني
أخطر غلا هو واحد ما نويته
والله مدري وليه أنا بس هويته
ما كان يعني لي بالاول أبد شيّ
يا أسلوبه اللي لا عدمت وخليته
ألقاه بذراعه لي ظلالٍ وفي
لا قال لي سمي من أقصاي جيته
له فز قلبي طايح براحة ايديّ
أجيه طوع أجي خضوعٍ فديته
ما فيّ عرق ميت ٍ ماانتعش حي
يا ليتني امه ليتني امن اهل بيته
يا ليتني بنته "لمى" أوطفلته "مي"
لا قال لي "يمه" بحضني لويته
ضمّيته لصدري وهيّضت ما بيّ
ولا قال لي يا "بنتي "عمري عطيته
تمشي له عيوني وقلبي ورجليّ
أو ليتني شعر كتبت وهديته
حتى ان بعيونه يناظرني شويّ
ما اتحمل غيابه ترى ما قويته
كاويني بعاده ونار الهجر كي
والمشكلة بالشاعر اللي لقيته
يكتب كلامٍ قايله صاحبي لي
كل ما قريت ابيات شعره قريته
بأبيات شعره طاويٍ خافقي طي
أخطر غلا هو واحدٍ ما نويته
مني تمكن لين هو صار كل شي !!
اختكم
ميهار