المساعد الشخصي الرقمي

مشاهدة النسخة كاملة : الشاعر / محمد بن فطيس المري ..المحيط الهادي...

قاهر غرورك
12-02-2008, 02:53 AM
السلام عليكم ورحمة الله وبركاته

في هذه الاطلالة ستكون رحلتنا في بحر عميق بالشعر

والجمال والعذوبة...
بحر مذهل لا يعرف حدا للروعة في كتاباته...
ينثر العذوبة مدادا دون توقف...

يمضي في محيطات الابداع

والروعة دونما غرق او توقف...
حتى لو كانت الامواج عاتية...


هو واحد من رجال الكلمة المؤثرة في قلوب الملايين
ممن احبوه
ويحبوه وسيحبوه حتما حينما يشعرون بروعته
(إن كانوا لم يشعروا بها بعد)...
شاعرنا هنا شخصية عظيمة كان
لها صولاتها وجولاتها الجليلة في فترة قصيرة...
ولكنه تغلب في العطاء على من سبقوه
بأشواط كثيرة وكبيرة...


هو اول نجم تلألأ...
بل هو أول أقمار اكبر مسابقة شعرية
للشعر النبطي في الوطن العربي...
نعم...
عذبنا في هذه الحلقة هو شاعر المليون الجميل... الشاعر...

~*¤¤*~ محمد بن فطيس المري ~*¤¤*~
[فقط الأعضاء المسجلين والمفعلين يمكنهم رؤية الوصلات]

*•~-.¸¸,.-~*اسمه ونسبه وميلاده*•~-.¸¸,.-~*

محمد حمد محمد فطيس المري
من مواليد سنة 1978 تقريباً
ينتمي إلى قبيلة ( بن مرة ) العربية والتي يفتخر بها دائماً ويمجدها في قصائده

*•~-.¸¸,.-~*عـمـلـه*•~-.¸¸,.-~*

يعمل موظفاً إدارياً بأحد المراكز الصحية في دولة قطر ،

حاصل على شهادة دبلوم في الإدارة

*•~-.¸¸,.-~*لقبه*•~-.¸¸,.-~*

لقبه المحللون والشعراء بالمحيط الهادي لأنه شاعر واسع المعاني والأفكار
وعظيم القريحة والأسلوب وفي نفس الوقت يتسم بالهدوء والرزانة ،
تتنوع قصائده وتنساب أبياته بهدوء وسلاسة وكأن


لغته الشعر ولهجته القصائد !

*•~-.¸¸,.-~*حول شاعرنا*•~-.¸¸,.-~*

يبدو تأثر الشاعر كبيراً بالبيئة البدوية التي عاش فيها ولذلك تراه في الكثير
من قصائده يتحدث عن الإبل

والصيد بالصقور والكرم العربي ،
كما أنه ورث عن أجداده العرب

عادة الافتخار بالنفس


والقبيلة والوطن والعروبة والأرض .
الغزل العفيف هو ما يميز قصائد الشاعر

محمد حمد بن فطيس

فلا تراه يتمعن في الوصف ولا يتمادى

في إذلال نفسه في الحب ،
وعندما يتحدث محمد بن فطيس عن الدين وحالة المسلمين
ولحظات الموت فإنه يذيب القلوب


ويحزنها ويجعل الإنسان يعيش
هذه اللحظات بصدق وواقعية ..
محمد بن فطيس شاعر ذكي وموهوب

ولا عجب في ذلك فهو ينتمي إلى قبيلة الشعراء
وإلى عائلة كلها شعراء ..

لفت الجميع بأشعاره الرائعة في

برنامج شاعر المليون ،


وحصل على إعجاب وثناء كل من سمعه

*•~-.¸¸,.-~*بدايته في الساحة ومشاركاته*•~-.¸¸,.-~*

كانت بدايته الشعرية في سنة 2001 ،

وشارك بعدها في العديد من المهرجانات والأمسيات الشعرية
الخليجية والعربية ومنها مهرجان الدوحة الثقافي ، مهرجان حائل ،
مهرجان الخالدية في الأردن ، معرض الصيد والفروسية بأبوظبي ،
برنامج شاعر المليون بأبوظبي

يتبع
7
7
7
7
قاهر غرورك
12-02-2008, 03:01 AM
جسر المحبة

علـى جسـر المحبـه مـن قطـر سافـرت للبحريـن
ريـاح الشـوق تدفعـنـي و بــرق الطـيـب يجذبـنـي

صحيح الجسر ما شيـد علـى الواقـع اليـن اللحيـن
لـكـنــه بـالـقـلـوب و بالـمـشـاعـر بـيـنــا مـبــنــي

جسر مبني و هو ماهو بمبني من اسمنت و طين
اساسـاتـه روابطـنـا المجـيـنـه و الـزمــن يـجـنـي

جسر عادات و سلوم و لغه و جذور و اصـل و ديـن
هـذا عمـك و ذا خالـي و ذي بنـتـك و هــذا ابـنـي

لـجـل دعــوه سـمـو المرجـلـه و مـعـرب الجـديـن
حـظــرت و كـــل بـيــت بـكـتـبـه يــبــدا يكـتـبـنـي

سليل المجد ناصر بـن حمـد راعـي الجنـاب الزيـن
نـسـل روس الشـيـوخ الـلـي نبـاهـا مــا يكذبـنـي

صـنـاديـد الخلـيـفـه مـجـدهـم بــيــن بــــلا تـبـيــن
لـكــن الـشـعـر يـلـزمـنـي و مـوقـفـنـا يطـالـبـنـي

و خوالـه ربعـي العجمـان لا جـار الـزمـان الشـيـن
يشـوش المـدح لهـم راسـي و يرفعنـي يطربـنـي

يكفيـهـم و يكفيـنـي فـعــل راكـــان بـــن حثـلـيـن
لــو انـشـد واحــد تـركـي مــن الاتــراك جـوابـنـي

حضـرت بدعـوه منـه و هــو غـالـي و مــن غالـيـن
حـضـرت لديـرتـه و الـشـعـر لـديــاره مصاحـبـنـي

و انا من ديار بو مشعل و روحي فـي لزومـه ديـن
بــلادي و الـغـلا فــي خافـقـي مــا هــو يغايبـنـي

الا مـن غبـت عنهـا فـي سفـر بيـن حـيـن و حـيـن
غـلاهـا ويــن مــا وجـهـت وجـهـي مـــا يجنـبـنـي




**********

كيف أبين لك غلاك


انت ياللي حسنك السايب يخليني حرامي
جيتك صعبه وانا عن جيتك ماني بغافل

كيف ابين لك غلاك وكيف اوصل لك كلامي
والحيا قاطع طريق ولهفتي صوبك قوافل

وكيف أوصل لك معاناتي ولا أبين أسامي
والعواذل تحتري كلمه وانا ماني بسافل

وكيف ابين لك خطاك وخافقي طامع وضامي
للوصال اللي مثل حلم الفقارى بالتكافل

ليتك تشوفك بعيني كان شفت القصد سامي
وليت لك قلب مثل قلبي من التوديع جافل

وليتك تشوف الجروح بعين حزني يامرامي
كان شفت النجم ذاك الاولى طافي وآفل
قاهر غرورك
12-02-2008, 03:04 AM
قصيدته بالفصحى


يا سارقاً قلبي أتتك جوارحي
طوعاً بلا أمرٍ ولا إستأذانِ

فأنا الذي أهملته وتركته
كنزاً لــ لص هواك حين أتاني

فأرفق بهِ ما دمتَ تملكُ امرهُ
وإحفظهُ حفظَ الصدرِ للرئتانِ

واذا لقيتك فاعطنيهِ دقائقاً
ليجددَ الحبُ بهِ شرياني

فإذا قضيت فخذه مني راضياً
سبحان مَنْ مِن دونه أحياني

وإذا لقيتك لا تسلْ عن حالتي
فملامحي في الشوق خيرُ بياني

للدمع والليل الطويل تركتني
وتقولٌ لي في البعد ما اضناني

عجباً لأمركَ كيف عن حالي تسلْ
أولمْ تكنْ في البعدِ مَنْ أرداني

عجباً لأمر العاشقين لما أرى
لا يكرهُ المجني عليه الجاني

دعْ عنك ما قد فاتْ وإسمع ما يلي
فالعمر مهما طال طول فاني

داوي المسامع بالكلام وداوني
بالوصل إن فراقنا أعياني

في ليلةٍ قمريةٍ كي احلفُ
أني رأيتُ بليلةٍ قمرانِي

وإسمع عيوني كلما لاقيتني
فأنا عيوني في اللقاء لساني

********


،؛، .. سولفوا .. ،؛،


سولفوا تكفون لا عاد تسكتون ..
.. قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
.. مرةٍ قدامي ومرة وراي


وإن سكتوا جا وهو طيفه يمون ..
.. رحت أهوجس له وأبين له ولاي


مكسب عيوني من الفرقا مزووون ..
.. تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
.. وإلا أنا فيه أمتلك نظرة وراي


كان حبه لي على خبري مصون ..
.. والله ان كني بقدري .. وبغلاي


ذي بقايا الحب وأطلال الجنون ..
.. والله أعلم في ضميره وش بقاي


غير طيعوني ولا عاد تسكتون ..
.. ولا والله إن أسمعكم بكاااي
قاهر غرورك
12-02-2008, 03:07 AM
،؛، شطر حفظته ،؛،

ماني بمن ياتي ولا يدري به ..
.. شطرٍ حفظته ما أعرف كتابه


شطرٍ يناسبني لمثل الليله ..
.. وآشوفني في ذا المكان أولى به


أبا أتكل بالله ونعمٍ بالله ..
.. اللي ما يوصد دون خلقه بابه


باقول واللجنه تقيم قولي ..
.. ومن كثرة الشعار ماني آبه


الحمد لله واثقٍ من روحي ..
.. وإن كنت ذيب فالرجال ذيابه


ما أقول أنا أشعر واحدٍ في العالم..
.. لكن قصيدي كفو وأنا أدرى به


الشعر جمعنا لو تفرقنا ..
.. حدودنا وظروفنا الغلابة


الله يبيض وجه راعي الفكرة ..
.. عز الله انها تنحسب لحسابه


والله يبيض وجه من يرعاها ..
.. محمد الله يحفظه لأحبابه


محمد ولد زايد عريب المجنى ..
.. ولي عهد الديرة الخلابة


الشعر تاريخ لنا من مبطي ..
.. وإعلامنا يوم السنين نهابه


الشعر بيت والوزن عمدانه ..
.. معناه طنب وقافيته حجابه


الشعر وادٍ فيه صيد واجد ..
.. وكلٍ على الوادي يهج ركابه


والأفكار صيد وكل شاعر قانص ..
.. وكلٍ يدسم شاربه مخلابه


أحد خياله حر .. وأحد وكري ..
.. وأحدٍ خياله كوبجٍ بقطابه


وأنا خيالي كل ما هديته ..
.. حول على الوادي وصاد عقابه


شاركت أمثل ديرتي وربوعي ..
.. وكل يمثل ديرته وأقرابه


والله إلى الله راد والله قاله ..
.. إني لا أسلمها الفخر وكتابه


داري قطر .. وأنا هنا أمثلها ..
.. المجد مطلوبي وأنا طلابه


عهدٍ علي إني لا أشرف داري ..
.. ترك صبي ما يعز ترابه


شوفوا دمي من حبها عنابي ..
.. وحماستي من ضوها شبابه


شاعر خليجي والعروبة بيتي ..
.. والبيت ما ياقف بدون أطنابه


وإن عودت بين القبايل فزعه ..
.. أنا أشهد إني في اللوازم لابه


لي في القبايل ربع .. وأقدرهم ..
.. ماني بمن يجهل مقام أصحابه


وإن عودت لأصلي .. فأنا أصلي مري ..
.. من صلب يام أهد القنا وخضابه


قومٍ لنا فوق المعالي بيرق ..
.. والسيف قوة سلته بنصابه


الشعر طوقني وأنا طوقته ..
.. قمت آتمشى به وأفك أبوابه


يا بنت ياللي تفرقين بعودج ..
.. ما ألومهم لو كثروا الخطابه


لامر بج دربج على خلق الله ..
.. قالوا كذا بالأصبع السبابه


زينج يزينه فعل أبيج وجدج ..
.. وإنتي بدورج للنقى كسابه


قومي تباهي بي .. وفلي راسج ..
.. عليج من ستر الشرف جلبابه


وإن ما سترتج بالفعول وباسمي ..
.. فعقبني الفنجال يا صبابه


******


،؛، .. يا قو قلبك .. ،؛،


ياقو قلبك على الصّده ويا صُبرك
وياوسع صدري على صدك ويا صُبري



وياطول عمرك بذاكرتي وياكُبرك
وياشيب عيني بشيّب عاد ذا كُبري



والله لون حمل صبري فوقك..ان تبرك
والله ولو تعتذر منت بعلى خبري



ان ما جبرك الغلا ما اقدر على جبرك
ياللي على ارض الوفا ما شبرك بشبري



تزعل وترجع وتلقاني على خبرك
وانا انكسر لك واجيك ادوّر لجبري



طيفك وذكراك طيلة غيبتك سبرك
وشوقي لشوفتك طيلة غيبتك سبري



امحق وليف ومحبه والا اقول ابرك
حسبي عليك اعشقك وانت اتحفر قبري
قاهر غرورك
12-02-2008, 03:11 AM
،؛، .. في شاعر المليون .. ،؛،



في شاعر المليون للشعر مضمار ..
.. والسابقة في الشوط تظهر بيدها


امضمرين أبكار الأفكار شعّار ..
.. وكلن يحضّربكرته في وعدها


واللي تردت لا يدور لها أعذار ..
.. معذورة ما دام قد ذا جهدها



واللي تعوص وتضرب الحاجز يسار ..
.. تشلّ ف الدنة وترجع بلدها


وأنا ذلولي بنت صوغان الأشعار ..
.. من حبها عندي تفحم وحدها


إن جاره الله من تصاريف الأقدار ..
.. جاتك وجاك الجيش كله بعدها


الله عليها من مقاريد الأنظار ..
.. وصلت تحست ما غشاها زبدها


وتلقوفها بالعلم رمز وإشعار ..
.. وصفق لها منهو بعينه شهدها


ومن روبها أول ما تنصخ تمطار ..
.. ياللي تزعفرها من الطاس زدها


شبهت بالهجن الأصيلات الأشعار ..
.. وقصيدتي تراث أهلنا مددها


أعتزبه وأقبله إجلال وإكبار ..
.. واحة شرف يا سعد منهو وردها


أغلبنا في موجب الضيف والجار ..
.. يحلب لبنها قبل يذبح ولدها


وتراثنا من دونه نبيع الأعمار ..
.. وبأفعالنا روس المعالي صعدها


واليوم ضاق الجو من كثر الأقمار ..
.. تبث حقد لي لحقده رفدها


غزا الشعر قبل أمس غازين الأفكار ..
.. قومن على الساحة دفعها حقدها


تلفقوا ثم جاؤوا من كل الأقطار ..
.. هذا يصبحها والآخر هجدها


هذا يحرف في الأسف سر وإجهار ..
.. وهذاك يذبح موهبة في مهدها


وقفوا علم للشعر في وقت الأسحار ..
.. غاروا على الساحة وعروا جسدها


وصاحت بعد ما شافت سترها طار ..
.. ووقّف ولد زايد محمد ساعدها


قال أبشري بالستر وبردة الثار ..
.. وأضفى عليها سترها ما نشدها


واستل سيف في المواجيب بتار ..
.. واطلب وردن في العلا من فقدها


على خطى زايد خطاويه ما بار ..
.. والحاجة اللي في خياله وجدها


أغنى العرب من شوف أكاديمي ستار ..
.. ومن شوف أمر من السخافات وأدهى


شفت الشعر بستان وأبوابه أزهار ..
.. وقطفت ما يسقي المشاعر شهدها


قطفتها من ديرة تنبت أحرار ..
.. من دار بو مشعل ذراي وسندها


********


،؛، .. يوم المزايين .. ،؛،



من لابتي مّره الى جدي افطيس ..
.. ربعي مطوّعة الصعب بالصمايل


ناموس ياللي تكسبون النواميس ..
.. ياهل العلوم الغانمه والجمايل


اهل السموت وفي الملاقا فواعيس ..
.. يقطعك ياهرجٍ بليا دلايل



انتو خيارينٍ على الخيل فريّس ..
.. اسمٍ ينومس بين كل القبايل



يامقلّطينٍ شذرة السيف والكيس ..
.. قد قالها ابن حميد ضمن المثايل


منصا الرجال اللي على ضمّر العيس ..
.. وفالحرب نطّاحة شبا كل عايل


هواجرٍ لاجات قدهي مقاويس ..
.. ركب الضيوف امن السرا والقوايل


تنصا رباع امتعّبين المحاميس ..
.. مروين حد المرهفات الصقايل


يردون غصباً والعزاوي متاريس ..
.. لاجا نهارٍ فيه عدلٍ ومايل


وامسيّسين اسياسة الفوز تسيّيس ..
.. باللبل وبالهجن السباق الاصايل


تفوز في يوم المزاين وفالريس ..
.. من كل منعوته تسمى وحايل


ولو حصل للبل من الناس تفليس ..
.. يكفيكم انك فالعرب من لاوايل


تلبس من العنّاب زين الملابيس ..
.. يوم المزاين مع ارجال الحمايل


يزها بها لون العلم تتبع افنيس ..
.. ابلٍ لها عادات كسب النفايل


ومدحي لبو زايد محمد بلا قيس ..
.. مدحٍ لو يقارن بفعله .. قلايل


الله يمهّل به ويخزي لاباليس ..
.. وايدوم ذكره فوق كل الطوايل
قاهر غرورك
12-02-2008, 03:15 AM
،؛، .. لا ضاقت الدنيا .. ،؛،


لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد



فارفع يديك لخالقك لا توضيت ..
.. وادعو تراك أقرب إليا صرت ساجد


ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد


******

،؛،.. البارحة ..،؛،

البارحة ربي كتب لي ومريت ..
..دربٍ عليه بروق الأحباب لاحت


جيت المكان اللي جمعنا وخفيت ..
.. وقامت جروحي للجوارح وصاحت


ياليتني في لفة الدرب زليت ..
.. كان العيون من الدموع استباحت


التم غيم الدمع من يوم لفيت ..
.. وورقا القصيد لشوفة الغيم ناحت


وضحكت ماأبغي الناس تدري يبالفيت ..
.. لكنها غصبٍ على العين ساحت


حارت دموعي في عيوني وصديت ..
.. وأرمشت مابيها تبين .. وطاحت


وعقبه برق في العين براق .. واسقيت ..
.. خدي ووناتي بصدري تلاحت


وأنا أحسب إني في فراقه تشافيت ..
.. وان عبرتي من مدخل الزاد زاحت


اللي يحسب إني على البعد سجيت ..
.. والا ان عيوني للرقاد استباحت


ياليتني من قبل لا أحبه اقفيت ..
.. والا ان دروبي عن دروبه تناحت


أهون علي من البكا والتناهيت ..
.. وأشلا من سدودٍ على الناس باحت


عرفت كيف الحي يفرق عن الميت ..
.. وعرفت قيمة نعمتي يوم راحت


قولوله اني عقب بعده تدانيت ..
.. ورجلي عن دروب المعافين شاحت


البعد نار وطاعة العذل كبريت ..
.. يقصر على بعده .. ترى الكبد فاحت



********


؛،.. أنا جيت كلي ..،؛،


ماهو بكيفك عقب شيٍ حصلي ..
.. من ذوّق المحتاج يصبر الى احرجْه


خليتني من حلو حاليك احلي ..
.. واصبحت مدمن حب والقلب روّجْه


بين العروق وصار مافيه " ملي " ..
.. الا وله جُرّه تمرّه وتسهَجْه


وذود الغلا في عشب قلبي تفلي ..
.. وتراب صدري للمطر منْك ما احوجْه


يمحل الى صدّيت ويموت يا اللي ..
.. صديت عنّه والله احياه واخرجْه


ولي خاطر ٍ يسألْك من لي ياخلي؟ ..
.. غيبتْك تلعب به وشوفتْك تبهجْه


ولي عين حالي دمعها لك يهلي ..
.. وانْ رحْت راحت مالح الدمع تزعجْه


غالي ولا يحتاج بسّك تغلي ..
.. غلاك اخذ قلبي وروّضْه واسرجْه


ولو قلت ياعيني بصدره تملي ..
.. شافت خفوق ٍ حبك الذرْب توّجْه


وماهو على كيفك عقب ما حصلي ..
.. من ذوّق المحتاج يصبر الى ازعجْه


(عطيتني وجهك وانا جيت كلي ..
.. محروم والمحروم ما ينعطا وجْه)
قاهر غرورك
12-02-2008, 03:21 AM
،؛،.. في كفها خاتم ..،؛،


في كفها خاتم وفي خدها خال ..
.. وفي عينها غيم وعمارات وبيوت


الخال شفته واضحٍ من ورى الشال ..
.. والخاتم الماس مرصع بياقوت


والعمر في العشرين كني مانيب زال ..
.. والجسم كنه من جبل ثلج منحوت


جبل ولكن لا طرقه الهوى مال ..
.. وخطواتها ماهي بالأمتار بالفوت


ماهي تشوف الشمس من ظل الاظلال ..
.. ومصيافها ما بين لندن وبيروت


الشمس لو تشرق على جسمها سال ..
.. كنها مجسم محلبيه وبسكوت


ومن صغر مبسمها شقى حالها الحال ..
.. ما تاكل الا اللوز والخوخ والتوت


ماهي تشوف الناس تمشي وتختال ..
.. ومرٍ على جاكور ومرٍ على حوت


وخدامتين وهي بلا زوج وعيال ..
.. وسمعتها تدعي الدريول يياقوت


وثلاث جوالات ماهو جوال ..
.. ومن يوم خلقت كل شيٍ بريموت


لكن قلبي مالها فيه مثقال ..
.. وش قرب البشت الحساوي من الكوت


ياجعلها للي خذت قلبي نعال ..
.. اللي غلاها عندي الشرب والقوت


حوريةٍ من فوقها الليل شلال ..
.. كنها صبحٍ فوقها الليل مكتوت


قلبي لها من كثرة الشوق مشخال ..
.. وللسر عن كل المخاليق تابوت


تنحت لي من الحب في القلب تمثال ..
.. وحبي لها ينحت على الساحه بيوت


في عينها ماكل رجال رجال ..
.. وأقصى حدود الوصل في سلمها الصوت


زودٍ على القلب وعلى الحسن من آل ..
.. روسٍ لهم روسٍ على متونها بشووت


الى رضت موتوا يا أهل روس الأموال ..
.. وإلى زعلت جربت وش سكرة الموت


من دونها رجلي وراكب وخيال ..
.. والسيف والأمواج والبحر والحوت


********


،؛،.. دكتور العيون ..،؛،


(يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت


******

بعض العرب

بعض العرب حبة يوردك الجنون
ولا يوصف لة غلاة احكاك لة

ما يقنعة وصف الغلا وش يكون
لو كل حرف بالحرير يحاك لة

الموت جاك وهو تقبلة الظنون
ولا لك الا الصبر ....وش وداك لة

ان قلت ضاق ..قال..هونها تهون
مايدري ان ضيقتك لة ..وبكاك لة

تقعد تحبة وانت ساكت ومغبون
يمكن بيوم يقال لة ما اوفاك لة

وكانك مشكك هو يمون ..او ما يمون
تخيل ان عفت الصبر فرقاك لة

غلاة من فوق الغلا ماهوبدون
وحكاة سمعك يجبرك بارخاك لة

ودك تحطة فالعيون من العيون
وتبسط على رمضى الثرا يمناك لة

وتظلة من الشمس في ظل الجفون
ولا يمر اذنة سوا لباك لة

وتسج من غيرة لونهم يذكرون
ومنين ما سجت القدم ممشاك لة

فلو يميلة الترف ميل الغصون
غصن ليان ومكرمة بسقاك لة

جديلة الى اقفي ستر منة المتون
كني بريحة لا لتفت لدعاك لة

يزها الملابس ..اي لبس..واي لون
وفالليل وجهة لا ظهر قداك لة

كيك وعسل لكن ما هو في صحون
ودعاك من عين الحسود اغطاك لة

اللة لا يعطية ناس س ينضلون
ويستر علية من النحل لا ياكلة

والوصف والتعبير في وصفة يخون
غير اطلب الله يستجيب ادعاك لة

وهذال قلبك في محبتة يجسون
سكينهم عن قطع حبلة حاكلة
اللي من لحوم الاوادم ياكلون
وحلوقهم دافعالبلا متواكلة

ناس عن اعراض العرب ما يعرضون
ودايم على نفس الشكل والشاكلة

في سلمهم او لا بالاكل الاقربون
واطيبهم اللي صيدتة شكواك لة

يدعيهم الشيطان للذيب ويجون
هذا يقطع لة وذاك يواكلة

من جاك منهم لا تبين لة سنون
واضرب يمينة لا بغى يسراك لة

يا جعلهم فدوة ثر الغض الفتون
اللي على درب الطويل اخطاك لة

طيفة الى نام البشر زادك بهون
وطيفك الى نام البشر سراك لة

حبة دفان ومقبرة خضر الطعون
بين العظام العوج كنك ناكلة

فلو غلاة يوردك حوض الجنون
ولا يوصف لة غلاة احكاك لة


******


من يسوي سواتك


الله يجازي مـن يسـوي سواتـك ...
وبذنوب من سوى سواتك يجازيـك


مشيت درب الثقـل وتحـب ذاتـك ..
.ماتـدري انـه للمهالـك يـوديـك


غـرك جمالـك ياخسـارة حلاتك ....
ماتدري ان ماغير طبعـك يحليـك


بتقـول زينـك يشفـع لسيـآتـك ....
الحسن ماهو عن وفا الحب يعفيـك

لو التواضع والوفـا مـن سماتـك ...
بعت الحبايب كلهم ديـن واشريـك


لكـن عجـزت اغيـرك ياجراتـك ....
على الغياب اللي بلا عـذر ينجيـك

خطاي في توضيح وشـي غلاتـك ....
وخطاك في توضيح وشـو تغليـك


وشلون توصيني وتنسـا وصاتـك ....
وتصد عن صوت (ن) تقطـع يناديـك


مافاتـك التجريـح والعـذر فاتـك ...
وتبغي الراي الحين ماعـاد يمديـك


صحيح احبك بـس هـاذي جزاتـك ....
بعلمـك درس يفيـدك ويحيـيـك


تدري وش ابيض من خفوقك؟؟ عباتك ...
وتدري وش اللي غرني؟؟ نظرتي فيك

ادري بتستغـرب تصبـر وجاتـك ...
قصيدة (ن) مـن واحـد (ن) كـان يبغيـك


وتبغي تناظر وانت عايش مماتـك ...
شف وحدتك والناس تجلس حواليك

وتبغي تشوف اشجع رجل في حياتك!!! ...
شفني وانا راحل على كثر ماغليـك



******

..أقول لها .. رد على ابن الفجاءة ..،؛،


اقول لها وقد طارت شعاعا ..
.. من الشعار ويحكي لا تراعي

ترى اللي كاتبه ربي بياتي ..
.. ولو ما أسعى للحظي جاش ساعي

عليك الصبر والباقي على الله ..
.. وعلى التصويت ما للخوف داعي

تحزمت بقصيدي والقبايل ..
.. وجا شعري على الدفع الرباعي

أنا في مركب الشعر الحقيقي ..
.. وجمهور الشعر حسبة شراعي

امامي لجنه كفو باهلها ..
.. وعلى الشاشات لي جمهور واعي

وما دام ان ديرتي دار التميمي ..
.. فأنا ما ظنتي يحجب شعاعي

تربينا على حب الطليعة ..
.. وندعس للوطن روس الأفاعي

نعيش لرفعته ونعيش لأجله ..
.. ونموت لعزته موت جماعي

قطر داري ودار ابن الفجاءة ..
.. بلاد نبتها سيف ويراعي

ظهر ابن الفجاءة في زمانه ..
.. وأنا ابن فطيس تظهرني ذراعي
حَكآيآ !
12-02-2008, 11:00 AM
والله كبير هالشااعر
ونت

قااهر

كبير بانتقاائك لاهنت
ضناني الشوق
12-04-2008, 05:26 AM
يعطيك العافيه


فعلا شااعر كبير ويستحق كل هذا التقدير


سلمت لنا انااملك وحلوو انتقاائك
قاهر غرورك
12-11-2008, 05:17 PM
مشكورين على الردود الاكثر من رااائعه

دمتم بخير
عســــــ متعبه ــــافها
12-19-2008, 01:36 AM
يعطيك ألف عافيه أخوي قاهر

عساك على القوهـ
عســــــ متعبه ــــافها
12-19-2008, 01:47 AM
,, هوى الغربي ,,


صوتيـــــــــــه ([فقط الأعضاء المسجلين والمفعلين يمكنهم رؤية الوصلات])


دخيلك ياهوى الغربي على قلبي تهب بزين
تراك محملٍ باشياً تهز القلب وضلوعه


تراك محملٍ باشياً خفيه مستحيل تبين
ولا يفطن لها كون الجريح ملاوع اللوعه


عليك الله وجاه الله تلف يسار وإلا يمين
ولا تحيي عروق جروح من عامين مقطوعه


تنحرتك وانا اعرف النتيجه دمعه وبيتين
ومجموعة هواجيس تخالف هي ومجموعه


وتنفستك وانا اعرفك على روح الشقى حدين
لكن الله امرك وجابني بقدام مقلوعه


وجودي وجد من خلي يقيده الزمن للدين
عفيفٍ ما ظهر الحاجه ولا فزعوا له ربوعه


وألاياوجد حالي وجد من خلي يشوف الشين
يتيمٍ كلمته لامن شكى ماهيب مسموعه


توفى ابيه عاده مابعد هو ينطق اسمه زين
وعاش بلا اخوان وناقعٍ كمه من دموعه


على اللي راح بفوادي انا دري ليه وادري وين
وروح روحةٍ مجبوعةٍ ماهيب متبوعه


ملا صدري غلا واقفى وانا ضامي فواد وعين
لو أنه غير وادعني علي اهون من الروعه


بنا له في الحشى سورٍ مثل سورٍ بني فالصين
يرد العاذل ويحمي ورودٍ فيه مزروعه


حلف لي دين ماينسى وانا اللي قد عطيته دين
انا ديني على ماهي وهو ماغير طبوعه


على خبري لكني رحت ادور للحقيقه لين
عرفت اسباب ماتقنع وشفت اسباب مشروعه


لونه راح هاجرني علي اهون من الثنتين
مراحٍ مايبيه وعبرتن فالحلق مقروعه


عسى ربي يسامح كل من له فالفراق يدين
سبق سيف الفراق العذل ياروحين منزوعه


دخيلك ياهوى الغربي ترى ماني من السالين
ولو بينت لك ضحكه تراها صدق مصنوعه


دخيلك كف والا لف وإلا غير هب بزين
ترى ماهو يعرفك كون انا وملاوع اللوعه
▪●∫ هًيِبُةٌ مٌلًڪ..||
12-20-2008, 12:16 AM
قاهر غرورك

متعبه عسافها

طرح مميز ابدعتم وتميزتم بطرح ديوان شاعر المتالق

يعطيكم الف عاافيه على هذا الطرح

دمتم بوود
عســــــ متعبه ــــافها
12-21-2008, 02:09 PM
الله يسامح غلاك ويلعن الحاجه
.
.
.
.
.
غيبتك لو هي دقيقـه تعتبـر صـدّه
الوقت دونك سجن وغيابك اسياجـه

لا تعتذر لي ترى ماعـاد فـي شـدّه
اعيد حكي ٍ يكود الصـدر مخراجـه

دامه يوصف بجـود ابيـك وبجـدّه
وشلون تبخل على المجـروح بعلاجـه؟

ووشلون قاوااك قلبـك رده وصـدّه
مع انه بيّن عليـه الضعـف والحاجـه

ياقـو قلبـك بـرد ايميـنـك وردّه
بخلت بمصافحـه وارهيـت بحراجـه

لو ماسقى غيم عينه جرهـدي خـدّه
تـراه يبكـي وقلبـه يلحـق اخلاجـه

ولو شفته يمازحك تـراه مـن جـدّه
الضحك عن درب ضيق الصدر ماعاجه

غير الغلا والولـه عليـك وش حـدّه؟
يـادرب ليلـه ويامسـراه وسراجـه

كنّه يعرفك قبل يلقـاك مـن مـدّه
مع ان مابينـك ومـا بينـه امواجـه

هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه

والوصل..بحر ٍ متى انت بتسمح ابمدّه
السيف صبري وبحرك شـح بامواجـه

قصيدي اللي قريتـه واللـي اعـدّه
قديـم لا يزعلـك معنـاه واخراجـه

وفراغ قلبي غلاك ارهى علـى سـدّه
ليتك تشوف الغـلا وابراجـه وعاجـه

اقوى رياح العذل مـا تقـدر تهـدّه
والا الجفا لـو تنفـس هـدم ابراجـه

تغانـم الوصـل لـن البعـد لابــدّه
ياتيك في يوم ثم ياخـذك بادراجـه

اللي لي انك تليـن وتتـرك الشـدّه
واللي لك اني ما سولف بك لهراجـه

ولاني بزعلان واللـي نرتجـي مـدّه
يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه
ما دام كل ٍ يبـي دربـك ومنهاجـه

غالي وتبخـل علـي وتطّـول الصـدَه
الله يسامـح غـلاك ويلعـن الحـاجـه
رفيعة الشان
12-25-2008, 12:01 AM
الله يعطيك العافيه قاهر ديوااان ولا اروع وشاعر رائع مثل بن فطيس
اسر قلوب الملايين اللي عشقته وعشقت كلماته ..
أمير ألإحسآس
02-10-2009, 06:55 AM
قمة الروعه حينما يكون هناك شعرا ولكن المخرج يكون شاعر أخر

شاعر من نوع نادر

محمد أبن فطيس المري

قمــهـ في نثر الاحساس وقمــه في معنى الشعر

هو القمــهـ فعــلآ
قاهر غرورك
06-24-2009, 06:19 PM
مشكورين على مروركم العطر

دمتم بخير
мś.мĻōσķн »
06-26-2009, 06:10 AM
\
/
\
قاهر غرورك
\
ابيات روعه
يسلم لنا ذوقك الراقي
لاعدمناآكـ
ودي
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
\
ملوك
\
/
\
قاهر غرورك
06-27-2009, 12:16 AM
يسلمك ربي على تواجدك العطر

دمتي بخير
عذب الكلام
12-01-2009, 05:47 PM
يعطيك العافيه
قاهر غرورك
12-01-2009, 07:38 PM
يعافيك ربي على مرورك العطر
روح الحياة
12-02-2009, 01:51 AM
يعطيكٍ العافيه ع االطرح.. [فقط الأعضاء المسجلين والمفعلين يمكنهم رؤية الوصلات]
عوفيتي ع جهدك وما ننحرم من جديدك
ودي [فقط الأعضاء المسجلين والمفعلين يمكنهم رؤية الوصلات]
قاهر غرورك
12-02-2009, 11:57 PM
مشكوره على مرورك العطر
حُلۈهَ آلآحِسآسَ♥
03-23-2010, 09:58 AM
يعطيك ـآلعآفيـــــــــه..