][اختار عضو واطلبه اجمل قصيدة عنده ][

[اداوي جروحي بروحي]

السلام عليكم ورحمة الله وبركاته

حبيت اليوم اطرح عليكم فكرهـ عجبتني

وأتمنى انها تنال اعجاب الجميع وتكون حلوهـ وجديدهـ

وهدفي من هذي الفكرهـ اني انشط القسم أكثـر وأكثـر..؛؛

واجلب له اعضاء من خارج القسم



المهم الفكرته عبارهـ اني اختار عضو ويقوم
بوضع قصيدتـهـ المفضلـهـ

وبعد ذلك العضو اللي انا اخترتهـ يختار عضو ثاني
وهكذا تستمر الفكرهـ بتواجدكم وتفاعلكم
((سوف يتم ارسال رساله خاصه حين أختيار العضو التالي))

على فكرهـ العضو عندهـ ثلاثهـ ايام ولو تاخر يتغير اتفقنا،،



للامانه منقوله




لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي" وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو نبض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل امنياتـي
احـاول اذكـر .. اي شـيٍ يطريـك
"واقول هو سوا .. وانـا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي
معنى احبك .. وماقدر انسـى واخليـك
((يعني بدونك ويش تسـوا حياتـي؟))



اختار...(( قاهر غروركـ..))

[أعذب إحساسـ]

فكرهـ رائعه

يعطيك الف عافيه

وفي انتظار قاهر غرورك

ودي

[بسمات الشجون]

تسلمين ع الفكرره الحلوووه..

وبانتظااااااااااااااار قااااهرر...

[قاهر غرورك]

يعطيك الف عااافيه على الفكره الراااائعه

لي عوده عما قريب

[اداوي جروحي بروحي]

>> أربك ماتبطي >> لاتعطل السير ^_^


>> والله من غيركم الفكره ماتحلى <<


>> الله يعافيكم <<

[قاهر غرورك]

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني



لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني



صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني



عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني



أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني



رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني



تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني



تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني



وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني



ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني



أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني



زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني



غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني



إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني



أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني



سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني



عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني





أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني



وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني



وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني



ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني



أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني



ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني



ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني

اختار بعدي

دلوعه وكلمتي مسموعه

[لمار]

فكره جووونااااااان
يسلموو ياعسسسسسل

[اداوي جروحي بروحي]

>> (( لاهنت )) <<

>> صح لسان قايلها واللسانك <<

>> لاهنتي لمار على المروور <<

>> أنتي أحلى <<

[♥ஓجـنـۅنـېـے ضـحـگـتهـے♥ஓ]

قلبي لـه اليـوم .. ثالـث يـوم موجعنـي

وعيني لها اليوم ثالـث .. تجمـع طيوفـك

والبـال كنّـه علـى دربــك يوزعـنـي

ولسانـي ماكنـه الا خـلـق لحـروفـك

لاالنـوم نافـع .. ولا التفكـيـر نافعـنـي

انام واصحى على الباقـي مـن وصوفـك

بالله قلي .. شعـوري هـذا وش يعنـي !؟

طمنّـي .. الله يطمـن هـمّـك وخـوفـك

بيني وبينك .. ترى اللي صدق ضيعنـي
....
ان انت في اخر لقا .. شارح لي ظروفك

مدري وش اقول .. لكن تدري .. اسمعنـي

خابرك وافـي .. و أبيـك تتـم معروفـك

ان كنـت نـاوي تسافـر .. لاتودّعـنـي

بـس انتبـه .. لا تسافـر قبـل مااشوفـك

[♥ஓجـنـۅنـېـے ضـحـگـتهـے♥ஓ]

مشكور قاهر ع اختياري

ويعطيك العافيهـ ع الموضوع الاكثر من رائع ..

اختار اعذب احساسـ ..

[أعذب إحساسـ]

خلاص وكثر الله خير جرحك يابعد دنياي
من اول ياخي لا تفكر تلف بطعنتك وتدور

تبي فرقا..؟ من عيونك اشوف انك تبي فرقاي
عرفتك قبل ~لاتنطق وجعها~ بقلبي المبهور

قبل لاتقولها قلبي عرفها وجابها لشفاي
لفحني بردها ارتعشت ضلوعي بقلبي المهجور

قبل لاتروح ابي اجمع من عيونك جميع اشياي
وابي تاخذ من احلامي وَهَمْ شيّد عليه قصور

بعدها روح .. لاتفكر تداري خاطري وياي
ولا تكتف يديك تعيش دور مفارق ومجبور

ولا تبعث عيونك للفضا تدور قمر لرضاي
تحسب انه وسط عمري يطل بوحدتي من نور

خذ الدرب..~ وتوكل واترك الاشواك لجل خطاي
ولا تهتم في تجميع شظايا قلبي المقهور

تجي بقصور ؟! عاد الا انت ماقصرت ابد وياي
هدمت احلامي وعمري وتسألني تجي بقصور

[أعذب إحساسـ]

مشكوره دلوعه على اختياري

اختار دلوعة ابوها

[تِحِگمٍنٍيً قِنٍآعُآتِي]

إي بالله أخطو والخطا اللي جابهم عين الصواب
, مبطي وأنا أشوف الطمع يكشف زادهم وأستره



مايملي عيون الحسود بهالزمن غير التراب,,,,,,,,,,
,,,,,,,,,,,,ومن لايتوب من الخطا تحرم عليه المعذرة


اللي من أولها خراب أكيد تاليها خراب,,,,,,,,,,
,,,,,,,,,,والبندق اللي ماتثور بهدفها تذعره



ودك ليا من جاتك الغلطة من الناس القراب,,,,,,,,,,
,,,,,,,,,,الصاحب اللي ماكسبت محبته ماتخسره



مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجرة



صوتٍ يصول منبره وخطاب مامثله خطاب
والطيبة اللي زعزعت صوت الخطيب ومنبره


مافي دمعٍ صوبوه أحبابي بوجهي وخاب
ولا زرق حزني على غالي ولا فج أنحره



كل الزهاب اللي معي ذكرى من أصحاب الزهاب
واللي بقا لي من عذاب أشرس طريقي وأخطره



لأني تجنبت الغرق, عديت من فوق السحاب
لأن أكثر أصحابي ورق ماشفت للطيب ثمره



والله ماحطيت بين الحقد والخوة حجاب
حتى غدو ربعي يحدوني على الضيق أشكره



البارحة ثارت علي أرقاب و آوتني أرقاب
البارحة وياثقل دم البارح ويامحقره



أثر المصايب ماتجيك إلا من الناس القراب
وبهالزمن حتى الخوي اللي تثق فيه إحذره



هٌب ياوجه الحسد وشلون جمعهم وغاب,,,,,,,,,,
كيف السنين اللي عطتني بعثرتهم بعثره



لابارك الله في رقيقٍ تزعله كلمة عتاب
ولاجمع الله الرجال اللي تفرقهم مره



الصاحب اللي مايجي من صحبته غير العذاب
نذرٍ علي إن ماهجرني ولا أنا اللي بهجره



من يفتح لفرقاي باب أفك له عشرين باب
وإذا خويي مايقدر خوتي ما أقٌدره

[تِحِگمٍنٍيً قِنٍآعُآتِي]

عودت نفسي كل ماشددت لليمه ركاب
ماصدد وجهي عن طموح إلا لياجبت خبره



إن روٌحو فأنا بريء منهم ليوم الحساب
وإن جرٌحو قولو لهم ماحركو فيٌ شعره



شفهم لهم حول السنة ولا خذو مني جواب
أحسن دوا للي يستفزك تحقره



ماكنت أحاتيهم صغير, عاد أحاتيهم شباب
الصاحب اللي مأذخره لليوم الأسود ما أذخره



شفني جمٌعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره



اللي يخاف من الظما يترك لنا طرد السراب
واللي ماهو بقد الظلام و وحشته لايسهره



عقب إكتئاب البارحة ماعاد أنا حمل إكتئاب
الطيب جرجرني وأنا ماني بناقص جرجره



أنا تجرعت الظما لين إحترق وجهي وذاب
أنا كسرت بخاطري قبل الصداقة تكسره


أنا خسرت اللي غيابه غير عن كل الغياب
أنا غفرت لعالم ماتستحق المغفرة



أنا أكثر إنسان تعلم من كثر ما أخطا وصاب
أنا آخر لسان يتكلم في زمان الثرثرة



أنا القصيد اللي فزع من دفتره مليون ناب
وأنا الوحيد اللي جمع مليون ناب بدفتره



جفني وجرٌحه السهر وحيلي هدته الصعاب
دمعي هدر, ضحكي ندر, عمري وضيعت أكثره



شيٌبت بعقول العرب, هيبت روسٍ ماتهاب
جمهرة ناسٍ عمرهم مايعرفون الجمهرة



ماصرت ذيب إلا لأن اللي تحدوني ذياب
ماكنت أغيب إلا لأن العفو عند المقدرة



ترا حلاتك لاحملت لصاحبك كلمة عتاب
إن مانطقت بها بوجهه, ماتذمه بظهره



بهالزمن مايملي عيون الحسود إلا التراب
ولا الحظيظ الطلقة اللي ما تصيبه تذعره



ودك اليامن جاتك الغلطة من الناس القراب
الصاحب اللي ماكسبت محبته ماتخسره
..فكرة رائــــــــعة اداوي..
يسلموو اعذبـ على الاختيار..
..واختار بعدي مشأآإعر حالمــــــــه.
..تحيــآأإتي..

[حَكآيآ !]

تسلمييييييييين الله ع هالفكره الجنوووووووووونان
//


أحلى قصيده بالنسبة لي لمهندس الكلمة الآمير: بدر بن عبدالمحسن




قـالوا حـروفي عمي وعيونك بــروق

مـــافـي قـصـيــدي جـنـح ليـلٍ وبـــارق

قلت اللذي له داخل ضلـوعي حـروق

أقـرب من اللي في سـما الناس شـــارق

غيري يشوفك وأجود الشعر مطروق

وأنـــا أحــســّك وأصــدق الحـب فــارق

يـاللي عيـونك دم وعيــونك عـــروق

ولهــاث قـلــبٍ فـي نـواعـســـك غـــارق

أقــول أحبـك يخـرج البحـر صنـدوق

تبـــرا الغـــزاة وكـنــز ســــود البيــارق

وأقــول أحبـك صـدرالايـام مشقــوق

عـن وجـه غـرنـاطه وعــن مهـر طـارق

وأقــول أحبـك والله إني مـن الشــوق

ألـقـــا طـيــوفـــك فـي جـمـيـع المفــارق

كتب لك قلبٍ مــن القـلب مـســـروق

ولا طاب لي وصفٍ من الوصف سارق




::أقول أحبك::

[▪●∫ هًيِبُةٌ مٌلًڪ..||]

قصيدة حامد زيد الحلم


بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه "
"وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه"
"تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه"
" أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه"
"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه"
"حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!"
"أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه"
"وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه"
"واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه"
"تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!"
"مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!"
"تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه"
"نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه "
"عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه"
" وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه "
" أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه"
"تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه "
" لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه"
"تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!"
"حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه "
"جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه"
"امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو الـمسكين
أنــا خـايف((لياطاح الـجمل تـكثر سـكاكينه))"
"وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))"
"لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه"
"ونـمت أمـس،ورجع نـفس الـمنام اللي قبل يومين

[▪●∫ هًيِبُةٌ مٌلًڪ..||]

اختار قاهر غرورك

[мś.мĻōσķн »]

*

،’
طرح رآئع
والقصآيد كلها تهبل ، يعطيكم العآفيه جميعاً
ننتظر قآهر

. . . /[فقط الأعضاء المسجلين والمفعلين يمكنهم رؤية الوصلات]

. . . /،[فقط الأعضاء المسجلين والمفعلين يمكنهم رؤية الوصلات]