على الموعد بلهفه جيت لامانع ولا تأخير

[عذبة الروح]

على الموعد بلهفـه جيت...لامانـع ولاتأخيـر
لفيت من العصر هايم مع ان الموعـد المغـرب
وجتني بس أنا مدري شعرت الجيه هذي ...غير
وهي تقرب من عيوني ..شعرت إن الممات أقرب
وقلت :الله يهونها..عسى في جيتـك لـي خيـر
أنا من شفتك اقبلتي وأنـا خايـف ومستغـرب
على كثر الحكي مـدري كأنـه خانهـا التعبيـر
قالـت لـي جٌمـل وأشيـاء لاتٌكتـب ولاتٌعـرب
هدت فجأه تطالعني وأنـا فـي حاجـة التفسيـر
لجل نحكي بهدوء أكثر سألت الحلوه:وش تشرب
وصاحت بي..أنا أحبك..ولك في الحشـى تقديـر
وتدري ان المثل فينا ...وفي إحساسنا ...يُضرب
صحيح إنك "وفي"وانك"بري" من تهمة التقصيـر
ولكن هذي عوايدهم مـن أيـام وزمـن يثـرب
تكون البنت لابن العم ...ورغبات الكبار تصيـر
وتدري الأقربون أولى مع انك للخفـوق أقـرب
وتـدري للقـدر كلمـه لعـادات الأهـل تأثيـر
لذا أرجوك تتركني...وأنا مـن دنيتـك باهـرب
شعرت بحكيها كنـه قصـاص وأمـر بالتعزيـر
شعرت الدنيا ضاقت بي من المشرق ليا المغـرب
مشت خلت وراها طفـل مايـدرك وش التدبيـر
يحسب إن الغرام أشعار شاعر..وأغنية مطـرب
ضحكت وماقدرت اني ألاقـي لضحكتـي تبريـر
من اللي بوقتنا مرةضحك مـن لدغـة العقـرب
رفضت أستوعب اللي صار ولا استسلمت للتغيير
ثمان سنين.أجي نفس المكـان بحـزة المغـرب
برغم إن الثمان سنيـن جرح..وكلفتنـي كثيـر
أنا لليوم أجي وادعي...تجي يارب..تجي يـارب

[♥ஓجـنـۅنـېـے ضـحـگـتهـے♥ஓ]

رووووووووووووعهـ

حبيته مرررررررررررا

يعطيك العافيهـ

ودي.

[اسير المحبه]

يعطيك الف عافيه
على الطرح الراقي

وتقبلي مروري

[قاهر غرورك]

سلمت الانامل على الابيات الرااائعه

يعطيك الف عااااااافيه

بانتظار جديدك

دمتي بووووود

[شيري]

يعطيك العافيه..

[حُلۈهَ آلآحِسآسَ♥]

يعطيك ـآلعآفيـــــــــه..